«1 июнь – Халқаро болаларни ҳимоя қилиш куни» муносабати билан Давлат активларини бошқариш агентлиги ходимларининг 12 ёшгача бўлган фарзандлари ўртасида «Тинч осмон – бахтли болалар» мавзусида расмлар танлови ўтказилди.
Мазкур танлов болаларнинг ижодий қобилиятларини ривожлантириш, уларнинг тасаввур олами ва истеъдодларини қўллаб-қувватлаш ҳамда тинчлик ва бахтли болалик ғояларини тарғиб қилиш мақсадида ташкил этилди.
Танлов давомида иштирокчилар ўз расмларида беғубор болалик, тинч осмон, ёрқин келажак ва эзгу орзуларни акс эттириб, ўз ижодий ёндашувлари ҳамда истеъдодларини намоён этдилар.
Тадбир якунида танлов ғолиблари ва фаол иштирокчилар муносиб тақдирланиб, уларга эсдалик совғалари топширилди.
Ўтказилган ушбу тадбир болаларнинг ижодий салоҳиятини қўллаб-қувватлаш, уларга қувонч улашиш ҳамда байрам кайфиятини янада оширишга хизмат қилди.
Шунингдек, 1 июнь-Халқаро болаларни ҳимоя қилиш куни муносабати билан, Давлат активлари агентлиги ходимларининг 12 ёшгача бўлган фарзандларига кўнгилочар боғларга йўлланмалар тарқатилди.
